Resultado: Preshon riba Edukashon

 Nos muchanan tin hopi preshon na skol?

Your Voice a papia i for di nos "poll" a sali ku 94% di esunnan ku a vota ta di akuerdo ku tin hopi preshon riba muchanan na skol. 

Hopi a komentá i papia di nan mes eksperiensia personal. For di e komentarionan e siguiente a bin dilanti:

1. Tin preshon for di den gupo 1 riba e muchanan. 
Tin skol kaminda e muchanan mester hasi relato ku turno oral. Kaba ta traha riba nan sifra i lèter i nan "motoriek" ta kai atras.

2. Huiswerk ta kuminsa for di den grupo 1 i ta bira kada aña mas tantu lokual ta pone no solamente un preshon riba mayor pero stress riba e muchanan. 
Tur aña e muchanan ta haña mas tarea. Tarea ku nan mester hasi den fakansi i tin biaha riba dianan di fiesta. 

3. Nan salú mental no ta stabil, lokual pa un mucha ta un karga hopi pisa. Ora nan kaba skol di fundeshi ta sigi mas preshon ahinda na skol avansá.
E preshon ku nan ta haña na skol pa presta, pa bai HAVO ta keda ku nan na kas i na "opvang". Tin mucha ku ta yora tur dia paso nan no ta kaba nan tarea òf nan ta sinti e preshon pa nan presta. Na final di fundeshi nan ta kansá di skol i na skol avansá ta sigi riba e mesun ruta. Tin mas i mas mucha ku tin problema mental i esaki no ta bon. 

4. Kisas e preshon ta riba maestronan tambe i esey mester averigua.
Di unda e preshon aki ta bini? Dikon ta asina importante pa tin hopi mucha ku a bai HAVO? Dikon nos skolnan ta kompetí ku otro? 
E maestronan, ku mayoria tin un di dos trabou den enseñamsa mes, dunando "huiswerkbegeleiding", dikon nan ta sinti ku mester duna tantu tarea. E tempu den klas no ta sufisiente? Si esey ta e motibu, dikon e no ta sufisiente?

5. Tin yen otro pais kaminda a investiga e miho edukashon pa mucha i nan desaoroyo mental i sosial ku ta mustra ku huiswerk i preshon pa presta no ta saka lo maksimo for di mucha.
E ta traha al reves. Por wak e artikulo di enseñansa na Finland.

6. E pregunta ta keda kontra ken su nivel nos ta pusha pa nos muchanan presta.
Nos muchanan ta mas dilanti den nan edukashon kompara ku muchanan na Hulanda. Ta boga e pregunta, kontra ken nos ta komparando nos mes?

7. Dor di e kantidat di huiswerk, no ta sobra tempu pa e muchanan tin algu social, un hobby, pa nan praktika lokual ta importante pa nan desaroyo.
Un bida sosial ta importante pa salú mental pero tambe pa e desaroyo di "motoriek". Nos muchanan tin un sierto aña tempu pa ta mucha. Ku tantu tarea pa skol, no tin tempu pa e mucha ta mucha. Pa nan tin un hòbi òf tempu pa hunga ku otro mucha.

8. Pa skol e kantidat di huiswerk ta diferensia. Tin skol no ta duna huiswerk, dikon nan ta otro? Tin diferenensia den e nivel di edukashon di muchanan pa kada skol?
E muchanan na skolnan publiko, hopi biaha, no ta haña e kantidat di tarea ku skolnan katoliko, pero nan final nan ta haña e mesun "toets". Esaki kemen ku e muchanan di skolnan publiko no ta haña mesun edukashon? Of esaki kemen ku ta pone muchu preshon riba skolnan katoliko?

Nos di Your Voice no ta pone falta seka niun persona. Nos opinion ta ku mester evalua nos sistema edukashonal i wak na prome lugá bienestar di nos muchanan i kon komo maestro por saka lo maksimo for di nan. Kambio por ta bon si nos sa ku nos por mihó.

Aki ta sigi un publikashon over di e sistema di edukashon na Finland. 

Top 10 reasons why finalnd's education works

Laatste keer Cito toets zoals wij het kennen