E futuro di Refineria di Kòrsou

Refineria di Kòrsou, kiko ta su futuro?

Un topiko ku ta "hot" aworaki na Kòrsow ta e futuro di Refineria. E kontrakt ku Pedevesa a kaba na Desèmber 2019. For di e temporada ey ta deliberando riba e futuro di refinaderia. Relashonnna ku Venezuela no tabata bon, pues a kuminsa buska otro partner. Tatin yen kombersashon ku a kai na awa pa varios motibu.

Den Desèmber 2019 e kontrakt ku PDVSA a stop. Pa trabounan por sigi, a lanta un organisashon  CRU ku a tuma e empleadonan temporalmente te na ora bin un solushon permanente. Ora esaki no a logra den termino kortiku mester a laga e empleadonan bai. 

Ekonomia di Kòrsou ta basa riba turismo i Refineria. Refineria Isla ta konta pa 5-6% di ekonomia di Korsow.  E impakto di stop produkshon den Refineria ta afekta hopi empleado ku tin un fishi spesifiko. Mayoria di e grupo aki a haña nan ta buska otro trabou, siña otro fishi òf bai otro pais. Den e añanan ku Refineria tabata funshona, ela trese hopi empleo pa isla di Kòrsou. Na otro banda, ela trese tambe hopi problema pa e pueblo riba e area di salubridat. 

E dos pilarnan di nos ekonomia ta depende hopi riba influesianan internashonal. Den e delaster añanan, nos por a wak e impakto riba nos ekonomia ora algu pasa internashonalmente. Refineria ta depende di un partner internashonal. Ora algu pasa ku e partner, nos ta sinti e impakto.

Otro desaroyo ku un impakto grandi ta outo elektriko. Kiko e impakto di outo elektriko ta riba demanda pa gasolin? Tin ekonomiko ta bisa ku aki dos aña, na 2025, e demanda pa gasolin lo kuminsa baha ku 2 miyon bari pa aña. Kiko esaki lo nifika pa produkshon di gasolin den nos refineria?

Si nos sa kiko e impakto ta riba nos ekonomia, no ta yegando ora pa nos wak si nos ta bayendo den e bon direkshon? E pregunta ta ki ora nos ta yega asina leu ku nos por traha un ekonomia ku ta mas den nos mes man. Nos mester yega na e punto kaminda nos ekonomia i pais no ta depende di otro influensia, kaminda nos ta mas independiente i nos ta usa nos mes forsa pa nos bai dilanti. Esaki ta trese dilanti un pregunta krusial, kiko ta e forsanan ku nos komo pais Kòrsou tin? 

Pa ku nos refineria, kiko ta e solushon, buska un partner pa maneha refineria i keda ku e dependensia, of hasi e refineria un kompania di gobiernu kaminda ku nos mes ta disfruta di e sèn ku esaki ta produsi, of buska un otro solushon pa e pida tereno trahando un pilar di ekonomia ku ta probecha di forsanan ku nos mes tin.